چیئرمین اوگرا سعید احمد خان نے پریس کانفرنس کرتے ہوئے کہا کہ پٹرول کا 20 دن ذخیرہ نہ رکھنے والی کمپنیوں کو نوٹس جاری کر دیئے ہیں۔ 23 شہروں میں آئل مارکیٹنگ کمپنیاں 20 دن تیل کا ذخیرہ نہیں رکھ رہیں۔ ان کا کہنا تھا کہ تیل بحران کو ختم کرنا حکومت کی ذمہ داری ہے۔ پٹرول کی اضافی قیمت وصول کرنیوالوں کیخلاف چھاپے مارے جا رہے ہیں۔ تیل کی رسد اور طلب ان کے اختیار میں نہیں اور نہ ہی جی ایس ٹی میں 5 فیصد اضافے کا اوگرا سے تعلق ہے۔ اوگرا مخصوص فارمولے کے تحت پٹرولیم مصنوعات کی قیمتوں کا تعین کرتا ہے۔ چیئرمین اوگرا نے کہا کہ مہنگی ایل پی جی فروخت کرنیوالوں کیخلاف کارروائی کی جا رہی ہے۔ ایل پی جی کی پالیسی براہ راست اوگرا کے کنٹرول میں نہیں ہے۔ ایل پی جی کے حوالے سے غیر قانونی سرگرمیاں روکنا صوبوں کی ذمہ داری ہے۔ لاہور ہائیکورٹ کے فیصلے کے مطابق مختلف لوگوں کو جرمانے کئے ہیں۔ 20 ایل پی جی کمپنیوں کو اڑھائی لاکھ روپے فی کس جرمانہ کیا جا چکا ہے۔ –