بلوچستان میں توانائی بحران شدت اختیارکرگیا

کوئٹہ: نیشنل گرڈ سے سپلائی میں کمی کے باعث بلوچستان میں توانائی بحران پیدا ہوگیا۔۔ کوئٹہ میں بارہ جبکہ دیگر اضلاع میں بائیس گھنٹے تک لوڈ شیڈنگ جاری ہے۔ جس کے باعث گھریلو، زرعی صارفین کے علاوہ اسپتالوں میں مریضوں کو شدید مشکلات کا سامنا ہے۔
بلوچستان میں توانائی بحران شدت اختیارکرگیا۔ بجلی کا بڑا بریک ڈاون۔۔  صوبائی دارلحکومت کوئٹہ  میں بارہ جبکہ دیگر  ستائیس اضلاع میں بائیس گھنٹے تک لوڈ شیڈنگ کی جاری ہے۔
طویل لوڈ شیڈنگ سے گھریلو اور زرعی  صارفین  مشکلات کا شکار ہیں۔ اسپتالوں میں موجود مریضوں کے ساتھ ساتھ  تاجر بھی بجلی کی آنکھ مچولی سے پریشان ہیں۔
بلوچستان میں بجلی کی طلب سولہ سو پچاس میگا واٹ ہے جبکہ رسد ایک سو ستر  میگا واٹ کے قریب ہے۔ کیسکو حکام کہتے ہیں نصیرآباد میں متاثرہ ٹاورز کی مرمت کے بعد ہی کوئٹہ اور دیگر اضلاع میں  بجلی کی فراہمی بہتر ہوسکے گی۔