پاکستان اقلیتوں کیلئے خطرناک، صحافی عدم تحفظ کا شکار ہیں، ہیومن رائٹس واچ

 

انسانی حقوق کے عالمی ادارے ہیومن رائٹس واچ نے سالانہ رپورٹ شائع کر دی ۔ 2014 ء کے دوران بھی خواتین پر تشدد ، زبردستی شادی ، تیزاب گردی اور ریپ کے واقعات میں کمی نہیں آئی ۔ رپورٹ کے مطابق ہر سال ایک ہزار ہندو اور عیسائی خواتین کو زبردستی مسلمان مردوں سے شادی پر مجبور کیا جاتا ہے ۔ صرف کراچی میں ایک سال کے دوران 750 افراد فرقہ واریت کی نذر ہوگئے ۔ دہشت گردوں کے خلاف جاری آپریشن سے دس لاکھ لوگ متاثر ہوئے ۔ حکومت نقل مکانی کرنے والے ان افراد کی دیکھ بھال میں بھی ناکام نظر آئی ۔ دو ہزار چودہ صحافیوں کی سیکورٹی کے حوالے سے بھی خطرناک سال رہا ۔ صحافیوں کو دھمکیاں دی گئیں اور ان پر جان لیوا حملے کیے گئے۔ عوام کوتحفظ فراہم کرنے میں ناکامی پر پاکستانی حکومت کو سخت تنقید کا نشانہ بنایا گیا۔

Be the first to comment

Leave a Reply

Your email address will not be published.