ایم کیو ایم رابطہ کمیٹی کے انچارج قمر منصور عہدے سے فارغ

ایم کیو ایم رابطہ کمیٹی کے قائم مقام انچارج پاکستان قمر منصور اور انچارج رابطہ کمیٹی لندن ارشد حسین کو ان کے عہدوں سے ہٹا دیا گیا ہے۔ دنیا نیوز کے ذرائع کے مطابق ایم کیو ایم رابطہ کمیٹی لندن اور کراچی کا اجلاس ہوا جس میں قائم مقام انچارج رابطہ کمیٹی پاکستان قمر منصور اور انچارج رابطہ کمیٹی لندن ارشد حسین کو ان کے عہدوں سے ہٹانے کا فیصلہ کیا گیا۔ اجلاس میں مصطفیٰ عزیز آبادی کو لندن رابطہ کمیٹی کا انچارج جبکہ خالد مقبول صدیقی، عامر خان اور ڈاکٹر نصرت شوکت کو رابطہ کمیٹی پاکستان کا جوائنٹ انچارج مقرر کرنے کا فیصلہ کیا گیا ہے –