محمد عامر کو ڈومیسٹک کرکٹ کھیلنے سے روکنے کیلئے درخواست سماعت کیلئے منظور

 

سندھ ہائیکورٹ نے ٹیسٹ کرکٹر محمد عامر کو ڈومیسٹک کرکٹ کھیلنے کی اجازت دینے کےخلاف دائر درخواست سماعت کیلئے منظور کرلی ۔ میچ فکسنگ میں سزا پانے والے ٹیسٹ کرکٹر محمد عامر کو کرکٹ کھیلنے کی اجازت دینے کے خلاف سماجی کارکن رانا فیض الحسن نے درخواست دائر کی ہے ۔ درخواست میں محمد عامر ، چیئرمین کرکٹ بورڈ شہریار خان اور وفاق پاکستان کو فریق بناتے ہوئے موقف اختیار کیا گیا ہے کہ محمد عامر نے میچ فکسنگ کے ذریعے پاکستان کرکٹ کو دنیا بھر میں بدنام کیا ہے ۔ اگر انہیں کرکٹ کھیلنے کی اجازت دی گئی تو اس سے پاکستان کی نہ صرف مزید بدنامی ہوگی بلکہ اس سے جوئے میں ملوث دیگر کرکٹرز کی حوصلہ افزائی ہوگی ۔ درخواست میں موقف اختیار کیا گیا ہے کہ دنیا میں کہیں بھی جواری کرکٹر کو کھیلنے کی اجازت نہیں ہے لہذا محمد عامر پر پابندی برقرار رکھی جائے ۔ –

Be the first to comment

Leave a Reply

Your email address will not be published.