کراچی کے علاقے سہراب گوٹھ میں رینجرز اور قانون نافذ کرنے والے اداروں نے مشترکہ کارروائی کرتے ہوئے تاوان کے لیے اغوا کیے گئے دو مغویوں کو بازیاب کرا لیا ۔ رینجرز اور اے وی سی سی نے سہراب گوٹھ کے علاقے میں قبرستان میں کارروائی کرتے ہوئے مغویوں کو بحفاظت بازیاب کرا لیا ۔ دونوں کو گزشتہ رات اغوا کیا گیا تھا ، اغوا کاروں نے دونوں کی رہائی کے لئے بیس لاکھ روپے تاوان طلب کیا تھا ۔ ادھر کراچی پولیس نے کوئٹہ میں کارروائی کرتے ہوئے مبینہ دہشت گرد کو گرفتار کر لیا ہے ۔ ذرائع کا کہنا ہے گرفتار دہشت گرد کراچی سمیت دیگر شہروں میں تخریب کاری کی وارداتوں میں ملوث ہے ۔ ملزم سے مزید تفتیش جاری ہے ۔