انتہاء پسندی کو صرف اسلام سے نہ جوڑا جائے: باراک اوباما

واشنگٹن: (ویب ڈیسک) امریکی صدر باراک اوباما کا واشنگٹن میں فوجی دعائیہ تقریب سے خطاب کرتے ہوئے کہنا تھا کہ صرف اسلام ہی واحد مذہب نہیں ہے جس کو انتہاء پسند اپنے مقاصد کیلئے استعمال کر رہے ہیں بلکہ دیگر مذاہب میں بھی ایسا ہو رہا ہے۔ ہمیں انتہاء پسندی کو اسلام کے ساتھ نہیں جوڑنا چاہیئے کیونکہ یہ دیگر مذاہب میں بھی موجود ہے۔ انہوں نے کہا کہ ہم یہ دیکھتے ہیں کہ مذہب ہمیں سدھے راستے پر چلانے کی ترعیب دیتا ہے تاہم بعض اوقات ہم یہ بھی دیکھتے ہیں کہ مذہب کو بطور ہتھیار استعمال کرکے توڑ مروڑ کر پیش کیا جاتا ہے۔ امریکی صدر نے القاعدہ اور اسلامک سٹیٹ جیسے گروپوں کو ظالم اور وحشیانہ قرار دیا کہ جس کے اراکین نے اقلیتوں کو دبایا اور مذہب نام پر خواتین کی آبرو ریزی کی۔ اوباما نے کہا کہ اسلامی دنیا میں انتہاء پسند لوگوں کو تقسیم کرنے کیلئے مذہب کو بطور ہتھیار استعمال کر رہے ہیں۔ انہوں نے کہا کہ پاکستان میں ایک سکول سے لے کر پیرس کی گلیوں تک ایسا تشدد ان لوگوں کی جانب سے دیکھا جو خود کو اسلام سے جڑا سمجتے ہیں بلکہ حقیقت میں وہ اسے دھوکا دے رہے ہیں۔ –