پاک فوج کے تحت60پولیس اہلکاروں نےکاؤنٹرٹیررزم کی تربیت مکمل کرلی

کوٹری  :   پاک افواج کے تحت پوليس کے ساٹھ اہلکاروں نے انسداد دہشت گردی کی تربيت مکمل کرلی، کور کمانڈر کراچی لیفٹینٹ جنرل نوید مختار نے کہا ہے بچوں اور نمازیوں پر حملے دہشت گردوں کے پست کردار کی نشاندہی کرتے ہيں۔

پولیس اہلکاروں نے اس عزم کا اعادہ کیا ہے کہ دہشت گرد بچ نہيں پائيں گے، ڈھونڈ ڈھونڈ کر ٹھکانےلگائيں گے، پاک افواج نے کوٹری فیلڈ فائر رینج میں پولیس کے ساٹھ اہلکاروں کو چار ہفتے کي تربيت دي، تقريب کےمہمان خصوصي کورکمانڈر کراچی لیفٹینٹ جنرل نوید مختارتھے۔

خطاب ميں انہوں نےکہا کہ ملک کي حفاظت کےلئےدن رات تيار ہيں، شمالی وزیرستان کے بيشترعلاقوں سے دہشت گردوں کا صفايا کرديا گيا ہے، آئی جی سندھ پولیس غلام حیدر جمالی کا کہنا تھا کہ سانحہ شکار پور کے حوالے سے بہت سے شواہد ملے ہیں، جن پر تحقیقات جاری ہیں سندھ پولیس میں جلد ہی انسداد دہشت گردی کا محکمہ بنایا جارہا ہے۔ دوران تربیت نمایاں کارکردگی کا مظاہرہ کرنے والےاہلکاروں میں انعامات بھی تقسیم کیے گئے۔