بجلی بحران کا 2 سال میں خاتمہ کردینگے، وزیراعظم کا اعلان

چنیوٹ : وزیراعظم نے دو سال میں بجلی بحران کے خاتمے کا اعلان کردیا، ساتھ یہ بھی کہتے ہیں کہ ایک بجلی گھر لگانے کے بھی پیسے نہیں، پاکستان میں وزارت عظمیٰ سنبھالنا کسی چیلنج سے کم نہیں۔

چنیوٹ میں معدنی ذخائر دریافت ہونے کے موقع پر تقریب سے خطاب کرتے ہوئے وزیراعظم نواز شریف کا کہنا ہے کہ پاکستان غربت، بیروزگاری جیسے چیلنجز کا سامنا ہے، ملکی مسائل کے حل کا چیلنج قبول کیا ہے، 3 سال میں پاکستان کی مشکلات دور کرنے میں کامیاب ہوجائیں گے، وزارت عظمیٰ کسی چیلنج سے کم نہیں۔

انہوں نے مزید کہا کہ دہشت گردی کے خاتمے کیلئے قومی لائحہ عمل تشکیل دیا ہے، کاش دہشت گردی کے مسئلے پر ماضی میں سنجیدگی سے کیا جاتا، دہشت گردی کا خاتمہ ہماری قومی ذمہ داری ہے، یقین ہے بہت جلد پاکستان سے دہشت گردی کا خاتمہ ہوجائے گا، مسائل پر قابو پانے کیلئے وسائل کی کمی کا سامنا ہے۔

وزیراعظم کہتے ہیں کہ پیٹرولیم قیمتوں میں کمی سے عوام کو فائدہ پہنچا ہے، چین کے تعاون سے ملک میں بجلی کے کارخانے لگارہے ہیں، مختلف ذرائع سے بجلی پیدا کرنے کے کارخانے ہونے چاہیں، تاپی منصوبے پر جلد عمل درآمد چاہتے ہیں، تاپی منصوبے سے گیس کی کمی دور ہوگی، ایران سے گیس لیں گے، بات چیت جاری ہے۔