ایک ہفتے میں ٹھیک ہوجاتا، مینجمنٹ نے واپس بھیج دیا، حفیظ کا شکوہ

لاہور : آل راؤنڈ محمد حفيظ وطن پہنچتے ہی پھٹ پڑے، کہتے ہيں وہ خود نہيں آئے بلکہ بھيجے گئے ہيں، انجری ہفتہ بھر ميں ٹھيک ہوجاتی مگر ٹيم منيجمنٹ نے واپسی کی ٹکٹ پکڑادی۔

فٹنس مسائل رکاوٹ بنے، تیاریاں دھری رہ گئیں، خواب چکنا چور ہوئے، ورلڈ کپ سے چھٹی نے محمد حفیظ کو افسردہ کردیا مگر کہتے ہیں منیجمنٹ نے بہتر فیصلہ کیا ہوگا۔

انجری کے باعث بولنگ کے ٹيسٹ ميں تاخير ہوئی، تنقيد کرنیوالوں کے پاس ثبوت ہونا چاہئيں، ورلڈ کپ نہ کھیل سکے تو کیا ہوا، ابھی بہت کھیلنا ہے، حفیظ آنیوالے دور کیلئے کافی پُرامید ہیں۔

پوری قوم کی طرح محمد حفیظ کی دعائیں بھی گرین شرٹس کے ساتھ ہیں۔