لاہور :پولیس لائنز کے قریب خودکش دھماکا، 5 افراد جاں بحق، 25 سے زائد زخمی

ر سنگھ ميں پولیس لائنز کے باہر دھماکے میں 5 افراد شہید اور 25 سے زائد زخمی ہ
لاہور کے قلعہ گجر سنگھ میں امن دشمنوں نے سیکیورٹی فورسز کو نشانہ بنایا، پولیس لائنز کے باہر زور دار دھماکا ہوا جس نے آن کی آن میں منظر ہی بدل دیا، ہر طرف چیخ پکار، کہیں آگ تو کہیں دھوئیں کے بادل نظر آئے، دھماکے سے کئی گاڑیوں میں آگ لگ گئی، قریبی عمارتوں کے شیشے ٹوٹ گئے۔

پولیس کا کہنا ہے کہ دن ساڑھے 12 بجے کے قريب پوليس لائنز کے باہر کھڑی پرائيوٹ گاڑی ميں زور دار دھماکا ہوا، جس کے نتيجے ميں پوليس کے 2 جوانوں سميت 5 افراد شہید ہوگئے، 25 سے زائد زخمیوں کو مختلف اسپتالوں میں منتقل کردیا گیا جن میں خواتین اور بچے بھی شامل ہیں۔

پولیس حکام کے مطابق دھماکا خودکش تھا اور حملہ آور کسی پولیس افسر کو نشانہ بنانا چاہتا تھا، حملہ آور کا سر اور دھڑ مل گیا ہے، سیکیورٹی سخت ہونے کے باعث بمبار ہدف تک نہیں پہنچ سکا اور دروازے پر ہی دھماکا کردیا، دھماکے کے بعد سیکیورٹی فورسز نے علاقے کو گھیرے میں لے لیا، سی سی پی او، ڈی آئی جی آپریشنز سمیت اعلیٰ پولیس حکام موقع پر پہنچ گئے۔