کراچی : سندھ کے وزیراطلاعات شرجیل میمن ذوالفقار مرزا پر بھڑک اُٹھے، کہتے ہیں حکومت کے خاتمے کی خواہش رکھنے والوں کو مایوسی ہوگی۔
ذوالفقار مرزا کے متنازع بیانات پر سندھ حکومت کے وزیراطلاعات کو جوش آگیا، پیپلزپارٹی نے بھی سابق وزیر داخلہ سے لاتعلقی کا اعلان کردیا۔
پی پی میڈیا سیل میں پریس کانفرنس کرتے ہوئے شرجیل میمن کا کہنا تھا کہ مرزا صاحب لوگوں میں وسوسہ پیدا کرنے کی کوشش کررہے تھے، بلاول بھٹو کے بیان نے سب واضح کردیا۔
شرجیل میمن کا کہنا تھا کہ پارٹی قیادت اور ارکان کو خراب کہنے والے مرزا صاحب کے اپنے خاندان کے 2 افراد پیپلزپارٹی کے ایم این اے اور ایم پی اے ہیں۔
شرجیل میمن نے حکومت کے خاتمے کی افواہوں کی بھی تردید کی، بولے کہ سیاسی جماعتیں اور عسکری ادارے باشعور ہیں، گورنر راج یا حکومت کے خاتمے کی خواہش رکھنے والوں کو مایوسی ہوگ