آخری دشمن کے خاتمے تک چین سے نہیں بیٹھیں گے: وزیراعظم

کوئٹہ: وزیراعظم نواز شریف کا کہنا ہے کہ ملک کے ہر حصے میں دہشتگردوں کا پیچھا ہوگا۔ آخری دشمن کے خاتمے تک چین سے نہیں بیٹھیں گے۔
وزیراعظم نے کوئٹہ میں انسداد دہشتگرد فورس کی پاسنگ آؤٹ پریڈ سے خطاب کرتے ہوئے کہا کہ ملک بھر میں دہشتگردی کیخلاف جنگ کا آغاز کر رکھا ہے جسے ہر حال میں منطقی انجام تک پہنچا کر رہیں گے۔
انہوں نے دہشتگردوں کو دوٹوک پیغام دیا کہ آخری دشمن کے خاتمے تک یہ لڑائی جاری رہے گی اور آئندہ نسلوں کے لئے یہ جنگ ہر حال میں جیتنا ہوگی۔
وزیراعظم کا کہنا تھا کہ آپریشن ضرب عضب میں پاک فوج دہشتگردوں کاخلاف لڑرہی ہے۔ جبکہ انسداد دہشتگردی فورسز کو بھی جدید ٹیکنالوجی اور ہتھیاروں سے لیس کیا جارہا ہے جس سے دہشتگردي ختم کرنے میں مدد ملے گی۔