ملک بھر میں آج شب برات پوری مذہبی عقیدت و احترام سے منائی جا رہی ہے

اس مبار ک رات کو اس کی شان اور عظمت کے پیش نظر نزول رحمت , برکت اور تقسیم امور کی رات بھی کہا جاتا ہے۔ اس مبارک رات میں ہر حکمت والے کام کا فیصلہ کر دیا جاتا ہے ۔ برائت کی ان مبارک گھڑیوں میں رب ذوالجلال اپنی صفات رحمن و رحیم اور رؤف کے ساتھ اپنے بندوں کی طرف متوجہ ہوتا ہے۔ اس مبارک رات مسلمان توبہ کر کے گناہوں سے قطع تعلق کرتے ہیں اور اللہ تعالیٰ کی رحمت سے بے شمار مسلمان جہنم سے آزادی اور نجات پاتے ہیں اس لیے اس رات کو شبِ برات کہتے ہیں۔ یہ رات گذشتہ سال کے تمام اعمال بارگاہِ الہٰی میں پیش ہونے اور آئندہ سال ملنے والی زندگی اور رزق وغیرہ کے حساب کتاب کی رات ہے۔ اسی لیے اہل ایماں مساجد اور گھروں کے اندر عبادت الہیٰ میں مشغول ہیں۔ ذکر و فکر کی محافل آباد ہیں اور رب کریم کی رحمتوں کے حصول کیلئے کوشاں ہیں۔ –