پاک بھارت سیریز رواں سال ضرور ہوگی، شہریارخان

پاک بھارت سیریز رواں سال ضرور ہوگی، شہریارخان

کراچی : پاکستان کرکٹ بورڈ کے چیئرمین شہریار خان نے کہا ہے کہ پاک بھارت سیریز رواں سال ضرور ہوگی، ملک میں انٹرنیشنل کرکٹ کی بحالی کو سراہا جارہا ہے۔

قومی ٹیم کیلئے آئندہ سال مصروف ثابت ہوگا۔ ان خیالات کا اظہار انہوں نے نیشنل اسٹیڈیم کراچی میں پریس کانفرنس کرتے ہوئے کیا۔

چیئرمین پی سی بی نے کہا کہ سینٹرل کنٹریکٹ کیلئے کھلاڑیوں کی انفرادی کارکردگی کے بجائے اب ٹیم پرفارمنس کو ترجیح دینگے۔

پاک بھارت کرکٹ سیریز کے حوالے سے ان کا کہنا تھا کہا کہ اگست تک بھارتی حکومت کی جانب سے گرین سگنل ملنے کی امید ہے۔

شہریار خان کے مطابق آئندہ سال سری لنکا سمیت کئی ٹیمیں پاکستان آکر کھیلنے کو تیار ہیں چیئرمین پی سی بی نے بتایا کہ خراب فٹنس والے کھلاڑیوں کی ٹیم میں کوئی گنجائش نہیں، پاکستان اس معاملے میں دوسروں سے پیچھے چلا گیا ہے۔

Be the first to comment

Leave a Reply

Your email address will not be published.