کراچی میں دفعہ 144 کے تحت ساحل سمندر پر جانے اور نہانے پر پابندی

کراچی کی بلدیاتی انتظامیہ نے سمندر میں طغیانی کے باعث کسی بھی ناخوشگوار واقعے سے نمٹنے کے لئے لوگوں کے سمندر میں نہانے پر پابندی عائد کردی ہے۔ جس کے بعد پولیس کی اضافی نفری شہر کے مختلف ساحلوں پر تعینات کردی گئی ہے جو وہاں آنے والے لوگوں کو واپس بھیج رہی ہے۔

دوسری جانب محکمہ موسمیات نے بحیرہ عرب میں سمندری طوفان کوساحل پر اونچی لہروں کی وجہ قرار دیا ہے۔ ماہرین کا کہنا ہے کہ یہ طوفان کراچی کے جنوب میں ساحل سے ایک ہزار 500 کلو میٹر دور ہے تاہم اس کی صحیح شدت اور سمت  آئندہ 24 گھنٹے میں معلوم ہوسکے گی۔