مودی کے بیان بھارت سے تعلقات ختم کئے جائیں، حافظ سعید

لاہور: جماعت الدعوة کے سربراہ حافظ سعید نے بھارتی وزیر اعظم کے بیان کے بعد بھارت سے سفارتی تعلقات ختم کرنے کا مطالبہ کردیا ہے۔

لاہور میں پریس کانفرنس کرتے ہوئے حافظ سعید کا کہنا تھا کہ نریندر مودی نے اعتراف جرم کرلیا کہ بھارت پاکستان میں بدامنی اور دہشت گردی میں ملوث رہا، اب بلوچستان میں مشرقی پاکستان جیسے حالات پیدا کیے جارہے ہیں ۔

حافظ سعید نے کہا کہ ہر بھارتی جارحیت پر آرمی چیف کی طرف سے ہی بیان سامنے آتا ہے ، وزیراعظم کی خاموشی انتہائی معنی خیز ہے ۔

امیر جماعت الدعوة نے حکومت سے بنگلہ دیش میں محصور پاکستانیوں کیلئے بھی آواز اٹھانے کا مطالبہ کیا، بھارتی جارحیت کیخلاف جمعہ کو ملک بھر میں احتجاج کی کال بھی دے دی گئی ہے ۔

جماعت الدعوة ۃکے امیر حافظ سعید کا کہنا تھا کہ وزیر نواز شریف کو بھی مودی کا منہ توڑ جواب دینا ہوگا، مودی نے اعتراف کرلیا کہ سرحد پار دہشت گردی کی بنیاد بھارت نے ہی رکھی ہے۔