پاکستان اور تاجکستان کے درمیان توانائی ، بنیادی ڈھانچے پر مشترکہ کمیشن بنانے پر اتفاق

وزیر اعظم نواز شریف اور تاجکستان کے صدر کے درمیان دو طرفہ تعلقات کے فروغ پر اظہار خیال کیا گیا ۔ دونوں رہنماؤں کے مذاکرات کے بعد مشترکہ اعلامیہ جاری کیا گیا جس میں کہا گیا ہے کہ دونوں ملکوں میں مختلف شعبوں میں تعاون کو وسعت دینے کے مواقع ہیں ۔ دو طرفہ اقتصادی تعلقات کے فروغ کے لیے زمینی ، فضائی اور ریل کے راستے بہتر بنانے کی ضرورت پر اتفاق کیا گیا ۔ اعلامیہ کے مطابق دونوں ملکوں کے درمیان روابط اور سیاحت کا فروغ ضروری ہے ۔ توانائی اور بنیادی ڈھانچے پر مشترکہ کمیشن ضروری ہے ۔ مشترکہ اعلامیہ میں گزشتہ برس پاکستان اور تاجکستان میں ہونے والے معاہدوں پر پیشرفت پر اطمینان کا اظہار کیا گیا ۔ اعلامیہ کے مطابق پاکستان ، افغانستان اور تاجکستان ٹرانزٹ ٹریڈ کا سہ فریقی معاہدہ جلد مکمل کرنے کی ضرورت پر زور دیا گیا ۔ سہ فریقی معاہدے سے تجارت کے شعبے میں علاقائی تعاون کو فروغ حاصل ہوگا۔ –