نیٹو کنٹینر چوری کیس، عدم ثبوت پر 150 ملزمان کو بری کرنے کا حکم

کراچی بندرگاہ سے طورخم بارڈر کے درمیان نیٹو کنٹینر غائب کیے جانے پر فیصلہ سنا دیا گیا ۔ کراچی کی احتساب عدالت نے 150 ملزموں کو عدم ثبوت پر رہا کرنے کا حکم دے دیا ان میں کسٹم افسران اور کلیئرنگ ایجنٹس شامل ہیں ۔ ہزاروں نیٹو کنٹینر چوری ہونے کے اسکینڈل کا انکشاف دنیا نیوز نے کیا تھا جس پر اس وقت کے چیف جسٹس افتخار چودھری نے نوٹس لیا تھا۔ تحقیقات میں ہولناک انکشافات سامنے آئے اور 9 ہزار 722 کنٹینرز غائب کیے جانے کی تصدیق کی گئی جس کے بعد وسیع پیمانے پر گرفتاریاں کی گئیں اور اب احتساب عدالت کراچی نے عدم ثبوت پر 150 افراد کو رہا کرنے کا حکم جاری کر دیا ہے ۔ –