مقامی افراد کے مطابق ہلاکتوں کی تعداد میں اضافے کا خدشہ ہے کیوں کہ قریبی پہاڑوں سے اچانک آنے والے اس سیلاب کے بعد سے کئی افراد کمشدہ ہوگئے ہیں جبکہ ایک مدرسہ، دکانیں اور متعدد گھر بھی تباہ ہوگئے ہیں۔
علاقے کے رہائشی مولانا شمس الرحمان کے مطابق اب تک نو لاشیں برآمد ہوچکی ہیں جبکہ گمشدہ افراد کی تلاش جاری ہے۔
ایک اور رہائشی کے مطابق سیلاب کے باعث کوہستان ضلع کا اپر دیر سے زمین رابطہ منقطع ہوگیا ہے۔
ریسکیو کے کاموں میں حصہ لینے والے ایک اور رہائشی نے ڈان کو بتایا کہ بہتے ہوئے پانی کی وجہ سے ریسکیو کے کام میں مشکلات آرہی ہیں اور پانی کم ہونے کا انتظار کیا جارہا ہے۔
ایک رہائشی کے مطابق ہلاک ہونے والوں میں سے چھ افراد کا تعلق ایک ہی خاندان سے ہے جو مردان میں رہتے ہیں اور
گرمیاں گزارنے یہاں آئے تھے۔
Leave a Reply