گرمی سے اموات: وزیراعظم کل کراچی کا دورہ کریں گے

کراچی: شہرمیں گرمی شدت سے 1100 کے لگ بھگ افراد کی ہلاکت کے بعد وزیر اعظم نواز شریف کل کراچی کا دورہ کریں گے۔

گرمی کی شدید لہر کے شہر پرآفت ڈھانے کے بعد کراچی کا یہ وزیراعظم کا پہلا دورہ ہوگا۔

واضح رہے کہ گزشتہ 10 دنوں سے جاری گرمی کی شدید لہرمیں اب تک سندھ بھرمیں 1100 سے زائد اموات ہوچکی ہیں جن میں سے 1050 کے لگ بھگ صرف کراچی میں ہوئی ہیں۔

فلاحی ادارے ایدھی فاونڈیشن نے جمعے کے روز 50 لا وارث لاشوں کی تدفین کی ہے جن کا کوئی پرسانِ حال نہیں تھا۔