کراچی کے مختلف علاقوں میں رینجرز اور پولیس کی کارروائیاں پچاس سے زائد افراد کو حراست میں لے لیا ، گرفتار ملزم کی نشان دہی پر گارڈن شو مارکیٹ سے بھاری تعداد میں اسلحہ برآمد کرلیا ۔ کراچی میں قانون نافذ کرنے والے اداروں کی جرائم پیشہ افراد کے خلاف کارروائیاں جاری ہیں ۔ ذرائع کے مطابق رینجرز نے ملیر جناح سکوائر کے قریب چھاپہ مارا ۔ اس دوران سیاسی جماعت کے چار کارکنوں کو حراست میں لے کر نامعلوم مقام پر منتقل کر دیا گیا ۔ ادھر پولیس نے سچل کے علاقے بھکر ٹاؤن میں سرچ آپریشن کے دوران پینتالیس افراد کو حراست میں لے کر اسلحہ اور منشیات برآمد کرلی ہیں ۔ اورنگی ٹاؤن پاکستان بازار تھانے کی حدود میں پولیس مقابلے کے بعد کالعدم تحریک طالبان کے کارکن کو زخمی حالت میں گرفتار کرلیا گیا جبکہ اس کا ساتھی فرار ہوگیا ۔ گرفتار دہشتگرد کے قبضے سے بم ، بارودی مواد اور اسلحہ برآمد ہوا ۔ دوسری جانب گارڈن شو مارکیٹ میں رینجرز نے چھاپہ مار کر بھاری مقدار میں اسلحہ برآمد کرلیا ۔ چھاپہ گلستان شمیم سے گرفتار کیے گئے سیاسی جماعت کے عہدیدار کی نشان دہی پر مارا گیا ، ادھر رات گئے جناح سکوائر کے قریب مدرسے پر رینجرز کے چھاپے اور گرفتاریوں کے خلاف علاقہ مکینوں نے احتجاج کیا ہے ۔ – 
Leave a Reply