انسداد دہشت گردی عدالت نے سانحہ ماڈل ٹاؤن کیس میں عوامی تحریک کے رہنماؤں اور پولیس اہلکاروں پر چودہ جولائی کو فرد جرم عائد کرنے کا فیصلہ کیا ہے ۔ لاہور کی انسداد دہشت گردی کی خصوصی عدالت اس ایف آئی آر پر فرد جرم عائد کرے گی جو حکومت کی جانب سے درج کرائی گئی تھی ۔ ایف آئی آر میں واقعے کا ذمہ دار پولیس اہلکاروں اور عوامی تحریک کے رحیق عباسی اور خرم نواز گنڈا پور کو ٹھہرا گیا تھا ۔ ایف آئی آر میں کہا گیا کہ عوامی تحریک کے کارکنوں کی جانب سے پولیس پر فائرنگ کی گئی جس کے بعد پولیس اہلکاروں نے بھی جوابی فائر کئے ۔ جس کے نتیجے میں عوامی تحریک کے کارکنان جاں بحق ہو گئے ۔ عدالت نے چالان جمع کرانے کے بعد تمام ملزمان پر چودہ جولائی کو فرد جرم عائد کرنے کا فیصلہ کیا ہے ۔ – 
Leave a Reply