این جی اوز کے لبادے میں ہزاروں دشمن پاکستان آئے,وزیرِ داخلہ

اسلام آباد: وزیرِ داخلہ چوہدری نثار کا کہنا ہے کہ این جی اوز کے لبادے میں ہزاروں دشمن پاکستان آئے، ملک دشمن سرگرمیوں میں ملوث دو این جی اوز کو امریکا سپورٹ کرتا رہا۔

سینیٹ اجلاس میں وفاقی وزیرداخلہ چوہدری نثار نے انکشاف کیا کہ این جی اوز کی آڑ میں پاکستان مخالف سرگرمیوں میں ملوث ہزار کے قریب لوگ اسلام آباد آئے، ان کاکہنا تھا کہ امریکی دباؤ ہوتا تو این جی اوز کے خلاف کارروائیاں نہیں کرتے، ایک امریکی این جی او کو اسی سال بند کیا گیا۔

چوہدری نثار نے بتایا کہ غیرقانونی سرگرمیوں میں ملوث دوبین الاقوامی این جی اوز کے خلاف اقوام متحدہ گئے ، ’’سیودی چلڈرن‘‘ کو قانون کے مطابق سیل کیا گیا ہے۔