سانحہ صفورا کے گرفتارملزمان کو گواہوں نے شناخت کرلیا

پولیس نے سانحہ صفورا کے ملزم سعد اور طاہر حسین کو جوڈیشل مجسٹریٹ ملیر کی عدالت میں پیش کیا۔ اس موقع پر 5 گواہ بھی عدالت کے روبرو پیش ہوئے جن میں 3 خواتین اور 2 مرد شامل تھے جب کہ شناختی پریڈ کے دوران گواہوں نے ملزمان کو شناخت کرتے ہوئے عدالت کو بتایا کہ دونوں ملزموں نے صفورا گوٹھ کے قریب پہلے بس روکی پھر اس میں گھس کر اندھا دھند فائرنگ کی اور فرار ہوگئے۔