کراچی کے مختلف علاقوں میں پولیس نے کارروائیاں کرتے ہوئے کالعدم تنظیم کے ٹارگٹ کلر اور گینگ وار کارندوں سمیت سترہ ملزمان کو گرفتار کرلیا ۔ لیاری میں پولیس مقابلہ ، گینگ وار غفار ذکری گروپ کا کارندہ مارا گیا ۔ پولیس کے مطابق امجد صابری قتل کیس میں ملوث ملزم راحیل کو رضویہ پولیس نے گرفتار کرلیا ۔ وہ ملزم عاصم کیپری کا قریبی ساتھی ہے اور ٹارگٹ کلنگ کی وارداتوں میں بھی پولیس کو مطلوب تھا ۔ ادھر لیاری کے علاقے چاکیواڑہ میں پولیس سے مقابلے کے دوران لیاری گینگ وار غفار ذکری گروپ کا کارندہ مارا گیا ۔ دوسری جانب اورنگی طوری بنگش چوکی پولیس نے سرچ آپریشن کے دوران پولیس کی وردیاں پہن کر ڈکیتیاں کرنے والے پانچ رکنی ڈکیت گروہ کو گرفتار کرلیا ۔ ان سے اسلحہ ، غیر ملکی کرنسی اور قیمتی اشیا برآمد ہوئیں ۔ عوامی کالونی پولیس نے دو سٹریٹ کرمنلز اور مفرور ملزم سمیت تین ملزمان کو گرفتار کرلیا ۔ مومن آباد اور گلشن پولیس نے گینگ وار کے دو ملزمان سمیت پانچ منشیات فروشوں کو گرفتار کرلیا ۔ –
Leave a Reply