: پاکستان:-احتساب کی خاطر پیش ہونے..اسلام آباد (دنیا نیوز ) مریم نواز کہتی ہیں خود احتساب کی خاطر پیش ہونے کے لئے نواز شریف جیسا دل ہونا چاہیئے ، حسن اور حسین کبھی سیاست کا حصہ نہیں رہے ، بھائیوں نے جمہوریت کے لئے ڈکٹیٹر کے دور میں قید و بند کی صعوبتیں برداشت کیں ۔ وزیر اعظم نوازشریف کی صاحبزادی مریم نواز کا ٹوئٹ جس میں ان کا کہنا ہے حسن اور حسین اس عظیم انسان کے بیٹے ہیں جو ہر دور کے کڑے احتساب سے سرخرو ہوا ۔ مریم نواز نے کہا کسی نے کہا تھا احتساب ان سے شروع کریں لیکن خود احتساب کی خاطر پیش ہونے کے لئے نواز شریف جیسا دل ہونا چاہیئے ۔ مریم نواز نے کہا حسن اور حسین کبھی سیاست کا حصہ نہیں رہے ، دونوں نے جمہوریت کے لئے ڈکٹیٹر کے دور میں قید و بند کی صعوبتیں برداشت کیں ۔