وزیراعلیٰ پنجاب شہباز شریف نے کہا کہ پنجاب حکومت نے گزشتہ برسوں کی طرح رواں برس بھی متوازن اور تیز رفتار ترقی پر مبنی شاندار بجٹ پیش کیا ہے ، دیہی اور پسماندہ علاقوں کی ترقی کیلئے ریکارڈ فنڈز مختص کئے گئے ہیں ، انہوں نے کہا کہ تعلیم، صحت، پینے کے صاف پانی کی فراہمی اور دیگر سماجی شعبوں کی ترقی پر خصوصی توجہ دی گئی ہے ، جنوبی پنجاب کے عوام کے معیار زندگی کو بلند کرنے کیلئے تاریخ ساز وسائل رکھے گئے ہیں ، شہبازشریف نے بتایا کہ پنجاب کوخوشحال ، تعلیم یافتہ، صنعتی و زرعی لحاظ سے ترقی یافتہ صوبہ بنانے کیلئے بجٹ میں جامع پروگرام تشکیل دیا گیا ہے۔