حسین نواز کی تصویر خاندان کی تضحیک کیلئے استعمال کی گئی :رانا ثنا اللہ

صوبائی وزیر قانون رانا ثنا اللہ خان نے کہا ہے کہ حسین نواز شریف کی جے آئی ٹی والی تصویر کو ان کے خاندان کی تضحیک کیلئے استعمال کیا گیا ۔ پنجاب اسمبلی کے باہر میڈیا سے گفتگو کے دوران ان کا کہنا تھا کہ جے آئی ٹی کے دو ارکان پر اعتراضات کئے گئے ، انصاف کا تقاضا ہے کہ ان اعتراضات کا جواب سامنے آنا چاہیئے ، جب تک اعتراضات دور نہیں ہوں گے رپورٹ کو تسلیم کیا جانا مشکل ہوگا ۔