قومی سلامتی کمیٹی نے افغانستان کے الزامات مسترد کر دیئے

وزیر اعظم نواز شریف کی زیرصدارت قومی سلامتی کمیٹی کا اجلاس ہوا۔ اجلاس میں تینوں مسلح افواج کے سربراہان اور وفاقی وزراء نے شرکت کی۔ اس موقع پر کابل میں ہونے والے دہشتگردی کے واقعے کی شدید الفاظ میں مذمت کی گئی اور افغانستان کی جانب سے بے بنیاد الزامات مسترد کر دیئے گئے۔ اجلاس کے اعلامیے میں کہا گیا ہے کہ افغان سرزمین سے پاکستان کیخلاف دہشتگردی کی کارروائیوں پر بھی تحمل کا مظاہرہ کیا گیا۔ ان دہشتگرد کارروائیوں میں پاکستان کو بھاری نقصان اٹھانا پڑا۔ پاکستان مخالف قوتوں کے درمیان تعاون سے آگاہ ہیں۔ پاکستان مستقبل کے کسی بھی خطرے سے نمٹنے اور اپنے دفاع کیلئے پرعزم ہے۔ اجلاس میں عالمی عدالت انصاف میں کلبھوشن یادیو کیس، آپریشن رد الفساد اور خفیہ معلومات پر ہونے والے سکیورٹی آپریشنز کا بھی جائزہ لیا گیا۔