کرپشن ترقی میں بڑی رکاوٹ: 79فیصد پاکستانیوں کی رائے

پاکستانی عوام کی اکثریت کرپشن کو ملکی ترقی کی راہ میں بڑی رکاوٹ سمجھتی ہے۔ گیلپ اور گیلانی ریسرچ فاؤنڈیشن کے تازہ ترین سروے کے مطابق 79 فیصد پاکستانی کرپشن کو ملک کی ترقی اور خوشحالی میں بڑی رکاوٹ سمجھتے ہیں۔ اس حوالے سے ملک بھر کے مختلف علاقوں کے مرد و خواتین سے سوال کیا گیا کہ کیا آپ سمجھتے ہیں کہ کرپشن پاکستان کو پسماندگی کی طرف لے جا رہی ہے ؟، جس کے جواب میں 79 فیصد افراد کا کہنا تھا کرپشن کی وجہ سے ملک میں ترقی نہیں ہو رہی اور پاکستان پسماندگی کی طرف جا رہا ہے ۔ یہی سوال جب 18 سے 30 سال کی عمر کے افراد سے کیا گیا تو 91 فیصد افراد نے کہا وہ اس سے متفق ہیں کہ کرپشن پاکستان کی ترقی میں بڑی رکاوٹ ہے۔