داعش کا رہنما ابوبکر البغدادی فضائی حملے میں مارا گیا

شام کے سرکاری میڈیا نے دعویٰ کیا ہے کہ داعش کا رہنما ابوبکر البغدادی ایک فضائی حملے میں مارا گیا ہے ، دعوے کی داعش یا کسی دوسرے ذریعہ سے تصدیق نہیں ہو سکی ۔ میڈیا کا کہنا ہے البغدادی کل رقہ پر ہوئے فضائی حملے میں مارا گیا ، البغدادی کی ہلاکت کی خبریں دو ہزار تیرہ میں بھی میڈیا میں آئی تھیں، لیکن بعد میں ان کی تردید کر دی گئی ۔ دوسری جانب عراقی فورسز نے دعویٰ کیا ہے کہ البغدادی کا نائب ایاد الجُمیلی شام کی سرحد کے قریب ایک فضائی حملے میں مارا گیا ۔ امریکا نے البغدادی کے سر کی قیمت ڈھائی کروڑ ڈالر مقرر کر رکھی ہے ۔