صوبے میں ہر کام میرٹ پر ہو رہا ہے، ناانصافی کا سوچ بھی نہیں سکتے، خٹک

اسمبلی اجلاس میں بجٹ پر بحث کے دوران اپوزیشن کے اٹھائے گئے نقطہ اعتراضات پر جواب دیتے ہوئے وزیر اعلیٰ خیبر پختونخوا پرویز خٹک کا کہنا تھا کہ اپوزیشن ارکان کو ترقیاتی فنڈز میں برابر حصہ ملے گا، مرکزی حکومت کی طرف سے رواں ماہ کے دوران سولہ ارب روپے ملنے کی توقع ہے، اس فنڈ میں سے صوبے میں ترقیاتی منصوبوں کو پایہ تکمیل تک پہنچائیں گے۔ اپنے خطاب میں پرویز خٹک کا کہنا تھا کہ صوبائی حکومت کو دو سال تک سی پیک کے منصوبوں سے متعلق بے خبر رکھا گیا، آل پارٹیز کانفرنس میں ہمارے اعترضات پر مغربی روٹ کو سی پیک کا حصہ بنایا گیا۔ وزیر اعلیٰ کا یہ بھی کہنا تھا کہ سی پیک کے منصوبوں کے لئے 24 ارب کا قرضہ نہیں لیا جا رہا بلکہ یہ صوبائی حکومت کی سرمایہ کاری ہو گی۔