گوادر ائر پورٹ ایک ماہ کیلئے بند کرنیکا فیصلہ

گوادر انٹرنیشنل ائر پورٹ کا رن وے توسیعی کام کے باعث ایک ماہ کیلئے بند کرنے کا فیصلہ کرلیا گیا ۔ سول ایوی ایشن ذرائع کے مطابق گوادر ائرپورٹ کا رن وے یکم سے 30 جولائی تک بند رہے گا ، بندش کا فیصلہ توسیعی کام کے پیش نظر کیا گیا ہے ، اس بندش کے باعث ائرپورٹ پر فلائٹ آپریشن معطل رہے گا ۔ متبادل ائر پورٹ کے استعمال کے حوالے سے تاحال فیصلہ نہیں کیا گیا تاہم متبادل فلائٹ آپریشن کیلئے تربت یا پسنی ائرپورٹ استعمال کیا جا سکتا ہے ۔ ذرائع نے بتایا کہ گوادر ائرپورٹ کا توسیعی کام مکمل ہونے کے بعد یہاں بوئنگ 320 اے طیارے اتر سکیں گے