مہدی حسن کے مزار کیلئے بیٹوں نے بھارت سے مدد مانگ لی

بھارتی اخبار ہندوستان ٹائمز کی ایک رپورٹ میں دعویٰ کیا گیا ہے کہ نامور پاکستانی گلوکار مہدی حسن کے بیٹے نے اپنے والد کے مزار کی تعمیر اور اس کی دیکھ بھال کیلئے بھارتی حکومت سے مدد طلب کی ہے۔ رپورٹ کے مطابق مہدی حسن کے بیٹے عارف نے کہا ہے کہ حکومت سندھ نے والد کی وفات پر ان کی یاد میں مزار اور لائبریری بنانے کا وعدہ کیا تھا لیکن والد کی وفات کو پانچ سال گزرنے کے بعد بھی اس میں کوئی پیش رفت نہیں ہوسکی ۔ان کا کہنا تھا ہمارے صبر کا پیمانہ لبریز ہو چکا ہے اس لئے ہم بھارتی حکومت سے درخواست کرتے ہیں کہ کراچی میں ان کا مزار تعمیر کیا جائے، کیونکہ سرحد پار بھی مہدی حسن کے بہت سے مداح موجود ہیں۔