ڈاکٹر عاصم حسین احتساب عدالت پہنچے تو لیگی رہنماؤں پر خوب برسے اور کہا کہ پنجاب میں کسی افسر یا سیاستدان کی جے آئی ٹی ہوتی ہے تو شور مچ جاتا ہے۔ سندھ کے ساتھ زیادتی ہو رہی ہے۔ عابد شیر علی بھی چیختے ہیں۔ نیب قانون کے خاتمے سے متعلق سوال ہوا تو ڈاکٹر عاصم بولے کہ میرے لئے ختم نہیں کیا جا رہا، قانون ہی غلط ہے۔ چیئرمین نیب اور ان کے چمچوں کیخلاف ہرجانے کا دعوی کروں گا۔ احتساب عدالت نے کرپشن ریفرنس کی سماعت آٹھ جولائی تک ملتوی کر دی۔ عدالت میں نیب کی جانب سے عبدالوحید بجارانی بطور پراسیکیوٹر پیش ہوئے۔