Breaking News

No deal, will fight legal battle, I’m still on honoring the vote: Nawaz Sharif. Click on the link to see full news on BAADBAN TV

ڈیل نہیں قانونی جنگ لڑوں گا، ووٹ کو عزت دو کے بیانیے پر قائم ہوں’ نواز شریف
حکومت جلد اپنے انجام کو پہنچنے والی ہے ،ہمیں این آر او کا طعنہ دینے والے عوام سے این آر او مانگیں گے’ نجی ٹی وی
شریف خاندان کے افراد کی نواز شر یف سے جیل میں ملاقات ، ذاتی معالج نے طبی معائنہ کیا
لاہور( بادبان رپورٹ )سابق وزیراعظم محمد نواز شریف نے کہا ہے کہ میں کبھی بھی ڈیل نہیں کروں گا، قانونی جنگ لڑوں گا، ووٹ کو عزت دو کے بیانیے پر قائم ہوں۔ ایک نجی ٹی وی کے مطابق اہل خانہ سے ملاقات کے دوران گفتگو کرتے ہوئے نواز شریف نے کہاکہ ، موجودہ حکومت جلد اپنے انجام کو پہنچنے والی ہے ،ہمیں این آر او کا طعنہ دینے والے بہت جلد عوام سے این آر او مانگیں گے، عوام موجودہ حکومت کا احتساب کریں گے ۔ذرائع کے مطابق ملاقات میں نواز شریف نے کہا کہ مسئلہ کشمیر پر دنیا کو جاگنا ہوگا، مقبوضہ کشمیر میں بھارت ظلم کر رہا ہے، دنیا آگے بڑھ کر اس مسئلے کو حل کروائے۔ شریف خاندان کے افراد نے پاکستان مسلم لیگ (ن) کے قائد محمد نواز شر یف سے کوٹ لکھپت جیل میں ملاقات کی ، ذاتی معالج ڈاکٹر عدنان نے بھی نواز شریف سے ملاقات کر کے ان کا طبی معائنہ کیا۔ تفصیلات کے مطابق نواز شریف سے ان کی والدہ بیگم شمیم اختر،بھائی شہباز شریف ، داماد کیپٹن (ر)محمدصفدر، نواسے جنید صفدر ،نواسی اورذاتی معالج ڈاکٹر عدنان نے ملاقات کی ۔اہل خانہ نے نواز شریف سے ان کی خیریت دریافت کی جبکہ نواز شریف نے بھی اپنے چھوٹے بھائی شہباز شریف کی خیریت دریافت کی ۔ ذرائع کے مطابق ملاقات میں ملکی مجموعی سیاسی صورتحال ،نیب کیسز سمیت دیگر اہم امور پر تبادلہ خیال کیا گیا ۔ملاقات میں شریک ذاتی معالج ڈاکٹر عدنان نے نواز شریف کا طبی معائنہ بھی کیا ۔نواز شریف اورشریف خاندان سے اظہاریکجہتی کے لئے جیل کے باہر موجود کارکنان قیادت کے حق میں اور حکومت کیخلاف نعرے لگاتے رہے ۔

سب سے زیادہ پڑھی جانے والی مقبول خبریں


دلچسپ و عجیب
No News Found.

سائنس اور ٹیکنالو
No News Found.

اسپیشل فیچرز
No News Found.

تمام اشاعت کے جملہ حقوق بحق ادارہ محفوظ ہیں۔
Copyright © 2024 Baadban Tv. All Rights Reserved