A joint meeting of the Parliament will be held today with President Arif Alawi addressing. Click on the link to see full news on BAADBAN TV

پارلیمنٹ کا مشترکہ اجلاس آج ہو گا صدر عارف علوی خطاب کریں گے
اپوزیشن جماعتوں کا مشاورتی اجلاس بھی ہو گا جس میں مشترکہ اجلاس کے حوالے سے اپوزیشن کی حکمت عملی طے کی جائے گی
گورنرز، وزرائے اعلی، سپیکر صوبائی اسمبلی اعلیٰ عسکری قیادت بھی صدر مملکت کا خطاب سننے کے لئے وزیٹرز گیلری میں موجود ہو گی
اسلام آباد (بادبان رپورٹ)پارلیمنٹ کا مشترکہ اجلاس آج(جمعرات کو) ہو گا۔ صدر ڈاکٹر عارف علوی خطاب کریں گے، اپوزیشن جماعتوں کا مشاورتی اجلاس بھی ہو گا جس میں مشترکہ اجلاس کے حوالے سے اپوزیشن کی حکمت عملی طے کی جائے گی، مشترکہ اجلاس کے لئے مہمانوں کو دو سو سے زائد نئے دعوت نامے جاری کئے گئے، اعلیٰ عسکری قیادت بھی صدر مملکت کا خطاب سننے کے لئے وزیٹرز گیلری میں موجود ہو گی۔ گورنرز، وزرائے اعلی سپیکر صوبائی اسمبلی، آزادکشمیر، گلگت بلتستان کے صدر و وزیراعظم، وزیراعلیٰ، سروسز چیفس، سفارتکاروں کو اجلاس میں شرکت کی دعوت دی گئی۔ اسلام آباد میں مقیم غیر ملکی سفارتکاروں کو بھی مشترکہ اجلاس میں مدعو کیا گیا ہے۔