سعودی عرب میں اسلامی فوجی اتحاد کی سربراہی کرنے والے پاکستان کے سابق آرمی چیف راحیل شریف کی مدت ملازمت میں ایک سال کی توسیع کر دی گئی ہے۔ تفصیلات کے مطابق پاکستان کی جانب سے سابق آرمی چیف جنرل (ر) راحیل شریف کو ملازمت میں ایک سال کی توسیع کے لیے این او سی جاری کر دیا۔ راحیل شریف نے 29 نومبر 2016ء کو ریٹائر ہونے کے بعد جنوری 2017ء میں سعودی عرب میں قائم ہونے والے اسلامی اتحاد کی کمان سنبھالی تھی اور اب ان کی مدت ملازمت میں 2020ء تک توسیع کردی گئی ہے۔