لاہور جیل میں خواتین سے جنسی زیادتی ، رحمان ملک نوٹس لے لیا
رحمان ملک نے خواتین سے جنسی زیادتی کے متعلق ویڈیو کا نوٹس لتے ہوئے ذیلی کمیٹی تشکیل دیدی
ذیلی کمیٹی تشکیل جو خواتین قیدیوں کیساتھ ناروا سلوک و جنسی زیادتی کی شکایات کی انکوائری کی نگرانی کریگی
اسلام آباد (پوسٹ رپورٹ)چیئرمین سینیٹ قائمہ کمیٹی داخلہ سینیٹر رحمان ملک کا لاہور کے جیل میں قیدی خواتین سے جنسی زیادتی کے متعلق ویڈیو کا نوٹس لتے ہوئے ذیلی کمیٹی تشکیل دیدی جبکہ وفاقی سیکرٹری داخلہ، آئی جی پولیس و ہوم سیکرٹری پنجاب کو مبینہ ویڈیو و الزامات کی فوری انکوائری کرنے کی احکامات جاری کر دیئے ۔ ایک بیان میں رحمن ملک نے کہاکہ خواتین قیدیوں کو جنسی طور پر حراساں کرنے کی معاملے کی انکوائری کرکے کمیٹی کو مفصل رپورٹ جمع کیا جائے، انہوںنے کہاکہ ذیلی کمیٹی تشکیل جو خواتین قیدیوں کیساتھ ناروا سلوک و جنسی زیادتی کی شکایات کی انکوائری کی نگرانی کریگی، سینیٹ قائمہ کمیٹی داخلہ کی ذیلی کمیٹی ملک بھر کے تمام جیلوں کا جلد دورہ بھی کریگی۔انہوںنے کہاکہ خاتون قیدی کے الزامات نہایت سنگین و دلخراش ہیں جسکی تفتیش نہایت ضروری ہے، مبینہ خاتون قیدی کی ویڈیو کی فورنزک لیبارٹری سے تصدیق کیجائے۔سینٹر رحمان ملک نے کہاکہ اگر جیل حکام اسطرح کی گھناؤنی جرائم میں ملوث پائے گئے تو مثالی سزا دی جائے، خواتین قیدیوں سے ناروا سلوک و جنسی طور پر حراساں کرنے کی شکایت پہلے بھی کمیٹی کو موصول ہوئے ہیں، سینیٹ کمیٹی برائے داخلہ پہلے خواتین قیدیوں کے لئے علیحدہ انتظامیہ کی سفارشات کر چکی ہے۔ سینیٹر رحمان ملک نے کہاکہ وقت کی ضرورت ہے کہ قیدی خواتین کیلئے علیحدہ جیل اور خواتین عملہ و انتظامیہ ہو۔