Shah Mehmood should stop making people fool in the name of South Punjab, Ahsan Iqbal. Click on the link to see full news on BAADBAN TV

شاہ صاحب لوگوں کو جنوبی پنجاب کے نام پر بیوقوف بنانا بند کریں، احسن اقبال
ن لیگ بہاولپور اور جنوبی پنجاب صوبوں کے قیام کا بل قومی اسمبلی میں جمع کراچکی ہے ،سیکرٹری جنرل (ن)
اس بل کی مخالفت پاکستان تحریک انصاف کے وزیر اور پارلیمانی سیکرٹری نے کی ، شاہ محمود قریشی کے بیان پر ردعمل
اسلام آباد (بادبان رپورٹ ) پاکستان مسلم لیگ(ن) ن کے سیکرٹری جنرل احسن اقبال نے وزیر خارجہ شاہ محمود قریشی نے کہا ہے کہ شاہ صاحب لوگوں کو جنوبی پنجاب کے نام پر بیوقوف بنانا بند کریں، ن لیگ بہاولپور اور جنوبی پنجاب صوبوں کے قیام کا بل قومی اسمبلی میں جمع کراچکی ہے ، اس بل کی مخالفت پاکستان تحریک انصاف کے وزیر اور پارلیمانی سیکرٹری نے کی ۔ وزیر خارجہ شاہ محمود قریشی کے بیان پر ردعمل میں پاکستان مسلم لیگ(ن) ن کے سیکرٹری جنرل احسن اقبال نے کہا ہے کہ شاہ صاحب لوگوں کو جنوبی پنجاب کے نام پر بیوقوف بنانا بند کریں، پاکستان مسلم لیگ ن لیگ بہاولپور اور جنوبی پنجاب صوبوں کے قیام کا بل قومی اسمبلی میں جمع کراچکی ہے ، اس بل کی مخالفت پاکستان تحریک انصاف کے وزیر اور پارلیمانی سیکرٹری نے کی ۔ انہوں نے کہا مسلم لیگ ن وعدے نبھانا جانتی ہے پارلیمنٹ اور عوام سے جو وعدہ کیا، وہ صرف ن لیگ کو نبھانا آتا ہے ،اسمبلی کے ریکارڈ پر موجود ہے کہ کس نے جنوبی پنجاب کے لوگوں کی ترجمانی کی اور کس نے بل جمع کرایا۔ احسن اقبال نے کہا شاہ صاحب اسمبلی کے ریکارڈ کو جھٹلانے کی کوشش نہ کریں،جنوبی پنجاب کے عوام سے آپ نے 100 دنوں میں صوبہ بنانے کا وعدہ کیا تھا،جنوبی پنجاب کے مظلوم لوگوں کے حقوق پر سیاست کرنا آپ بند کریں انہوں نے کہا شاہ صاحب مسلم لیگ ن کا بل پہلے ہی سٹینڈنگ کمیٹی میں موجود ہے، آپ حکومتی نمائندوں سے کہیں کہ اس پر فوری طور پر پیش رفت شروع کریں،پی ٹی آئی صرف نقل کی سیاست کر سکتی ہے ، مسلم لیگ ن کے منصوبوں کو اپنا بناکر پیش کیا، اب جنوبی پنجاب اور بہاولپور صوبہ پر مسلم لیگ ن کے بل پر بھی شاہ صاحب اپنا نام لکھنے پر تلے ہوئے ہیں۔