27 فروری کا واقعہ تاریخ کا حصہ بن چکا۔آئی ایس پی آر
پاکستان اپنے دفاع کے لئے ہر صلاحیت کا مرضی کے مطابق استعمال کا حق رکھتا ہے
کہ دو بھارتی جہازوں نے ایل او سی کی خلاف ورزی کی تو پاک فضائیہ نے نشانہ بنایا۔ بھارتی جہازوں کو ایف 16 نے نشانہ بنایا یا جے ایف 17 نے، سوال بے معنی ہے
بھارتی خواہش کے مطابق کسی بھی طیارے کو چن لے۔ نتیجے پر فرق نہیں پڑتا اگر ایف 16 استعمال ہوا تب بھی دو بھارتی جہاز ہی نشانہ بنے،ترجمان پاک فوج
راولپنڈی (بادبان رپورٹ) پاک فوج کے شعبہ تعلقات عامہ (آئی ایس پی آر )کے مطابق 27 فروری کا واقعہ تاریخ کا حصہ بن چکا۔ ایل او سی کے پار کارروائی پاکستانی فضائی حدود کے اندر سے جے ایف 17 تھنڈر طیاروں نے کی۔ آئی ایس پی آر کی جانب سے جاری بیان میں بتایا گیاہے کہ دو بھارتی جہازوں نے ایل او سی کی خلاف ورزی کی تو پاک فضائیہ نے نشانہ بنایا۔ بھارتی جہازوں کو ایف 16 نے نشانہ بنایا یا جے ایف 17 نے، سوال بے معنی ہے۔ پاک فضائیہ نے دونوں بھارتی جہازوں کو اپنے دفاع میں مار گرایا تھا۔ بھارتی جہاز آئے تو فضائیہ کے تمام جہاز بشمول ایف 16 فضا میں موجود تھے۔ ترجمان پاک فوج نے کہا کہ بھارتی خواہش کے مطابق کسی بھی طیارے کو چن لے۔ نتیجے پر فرق نہیں پڑتا اگر ایف 16 استعمال ہوا تب بھی دو بھارتی جہاز ہی نشانہ بنے۔ پاکستان اپنے دفاع کے لئے ہر صلاحیت کا مرضی کے مطابق استعمال کا حق رکھتا ہے۔