لاہورپولیس نے بھتہ خور کو گرفتار کرلیا، مقدمہ درج

لاہور : مصری شاہ پولیس نے کارروائی کرتے ہوئے لاہور سے ایک مبینہ بھتہ خور علی راشد کو گرفتار کرلیا ہے۔

پولیس کے مطابق مبینہ بھتہ خور راشد نے تاجر ساجد قریشی سے تین لاکھ روپے بھتہ طلب کیا تھا اور بھتہ نہ دینے کی صورت میں اس کے بیٹے کو جان سے مارنے کی دھمکی دی تھی۔

بھتہ وصول کرنے کے بعد بھی ملزم کی جانب سے تاجر کو دھمکیاں دی گئیں جس پر پولیس نے کارروائی کرتے ہوئے مصری شاہ سے مبینہ بھتہ خور علی راشد کو گرفتار کرلیا۔ پولیس نے ملزم کے خلاف مقدمہ درج کرکے مزید تفتیش شروع کردی ہے۔