غازی قتل کیس، پرویز مشرف پھر عدالت میں پیش نہ ہوئے

ایڈیشنل سیشن جج واجد گیلانی نے سابق صدر پرویز مشرف کے خلاف لال مسجد فائونڈیشن کی طرف سے غازی عبدالرشید کو قتل کرنے کی درخواست کی سماعت کی ۔ پرویز مشرف کے وکیل اختر شاد نے عدالت میں پیش ہو کر کہا کہ آج وکلاء احتجاجی طور پر ہڑتال کر رہے ہیں ۔ اس لیے سماعت ملتوی کر دی جائے جبکہ مدعی کے وکیل نے موقف اختیار کیا کہ مقدمہ کی سماعت اکتوبر 2013 ء سے چل رہی ہے اور ملزم سابق صدر پرویز مشرف ایک دفعہ بھی عدالت پیش نہیں ہوا ، عدالت نے سماعت 13 جون تک ملتوی کر دی۔ –