کراچی سمیت سندھ میں سمندری طوفان کا خطرہ ٹل گیا، بلوچستان میں تیز ہوائیں چلیں گی

ڈی جی میٹرو لوجیکل ڈیپارٹمنٹ غلام رسول نے اسلام آباد میں آشوبا نامی سائیکلون کے حوالے سے بریفنگ دیتے ہوئے کہا کہ سائیکلون 4 تاریخ کو ہوا کے کم دباو کی شکل میں نمودار ہوا ۔ پہلے اس کا نام زیرو ون اے اور بعد میں آشوبا رکھا گیا ۔ آشوبا پاکستان سے 500 کلومیٹر دور رہ گیا ہے ۔ پاکستان پر اس کا براہ راست اثر نہیں پڑے گا ۔ بلوچستان کے علاقوں میں ساحل کے ساتھ شدید تیز ہوائیں چلیں گی جس سے نقصان کا خدشہ ہے جبکہ سندھ کا علاقہ اس کی زد سے آزاد ہو چکا ہے ، ہوا کے طوفان سے ساحلی علاقوں کے متاثر ہونے کا خدشہ ہے۔ –