ہماری حکومت میں سو موٹو، اجینو موتو اورعتیقہ اوڈھو مشہور تھیں، خورشید شاہ

اسلام آباد: قومی اسمبلی میں خور شید شاہ نے اپنے خطاب کے دوران بھارت پر تنقید کے ساتھ ساتھ سو موٹو ، اجینو موتو اور عتیقہ اوڈھوکا بھی ذکر کردیا۔

قومی اسمبلی کے بجٹ اجلاس سے خطاب میں خورشید شاہ نے بھارتی وزیرا عظم کے بیان کی شدید مذمت کرتے ہوئے کہا کہ بھارت نے پاکستان کو تسلیم نہیں کیا ، اس نے مشرقی پاکستان کے سقوط میں اپنا کردار بھی تسلیم کیا اور اب وہ بلوچستان میں حالات خراب کر رہا ہے۔

قومی اسمبلی میں خطاب کےدوان اپوزیشن لیڈر خورشید شاہ کی حس مزاح جاگ اٹھی  بولے پیپلز پارٹی کی حکومت تھی تو آئے روز ہمارے خلاف سو موٹو ایکشن لیا جاتا تھا،شکر ہے موجودہ حکومت بچ گئی ہے اس دوران خورشید شاہ اداکراہ عتیقہ اوڈھو کا نام بھول گئے۔

ارکان نے بھی نام یاد دلانے کی کوشش کی ،بال آخر جب نام یاد آیا تو ارکان اسمبلی ہنس پڑےخورشید شاہ نے پھر حکومت ارکان کو مخاطب کیا اور کہا کہ ایکٹریس عتیقہ اوڈو کا نام آپ کو یاد ہوگا مجھے تو ایسے نام یاد نہیں رہتے۔

خورشید شاہ نے کہا کہ دفتر خارجہ نے اپنا کردار بخوبی ادا نہیں کیا، ایل این جی کے مسئلہ پر خوشید شاہ کا کہنا تھاکہ قوم کو پتہ چلنا چاہیئے کہ یہ کون لا رہا ہے، کیسے لا رہا ہے۔

خورشید شاہ نے مطالبہ کیا کہا بجٹ اجلاس کی کارروائی عوام کو دکھائی جانی چاہیئے تاکہ ان ہیں پتہ چلے کہ کون کیا کہہ رہا ہے۔

ان کا مزید کہنا تھا کہ پاکستان ایک ایٹمی قوت ہے اور اسے بھارت کے سامنے کمزوری نہیں دکھانی چاہیئے۔