لاہور :لائیو سٹاک نے چوبرجی سے 150 کلو مضر صحت گوشت ضبط کر لیا

لاہور میں محکمہ لائیو سٹاک کی مضر صحت گوشت کے خلاف کارروائی جاری ، 150 کلو مزید گوشت پکڑا گیا ۔ لائیو سٹاک پنجاب کے حکام کے مطابق چوبرجی کے علاقہ سے 150 کلو مضر صحت گوشت قبضے میں لے لیا گیا ، یہ گوشت حفظان صحت کے اصولوں کے خلاف ایک سٹور میں رکھا گیا تھا جبکہ دو افراد کو بھی اس کارروائی کے دوران حراست میں لے لیا گیا جن کے خلاف کارروائی کے لئے پولیس کو درخواست دے دی گئی ہے ۔