متحدہ کا مستعفی اراکین قومی و صوبائی اسمبلی کیلئے سیکیورٹی کا مطالبہ

کراچی کے علاقے نارتھ کراچی میں مسلح افرا نے ایم کیو ایم کے رکن سندھ اسمبلی سیف الدین خالد کی گاڑی پر انکے گھر کے قریب فائرنگ کی تاہم کسی قسم کا کوئی جانی نقصان نہیں ہوا ۔ واقع کے بعد خورشید بیگم سیکرٹریٹ میں پریس کانفرنس کرتے ہوئے سیف الدین خالد کا کہنا تھا کہ حملے کے وقت وہ گاڑی میں موجود تھے ۔ گن مین کی جوابی کاروائی سے مسلح افراد فائرنگ کرتے ہوئے فرار ہو گئے۔ اس موقع پر ایم کیو ایم کے مستعفی رکن سندھ اسمبلی اظہار الحسن کا کہنا تھا کہ ایم کیو ایم کے اراکین قومی و صوبائی اسمبلی کو دہشتگردوں کی جانب سے نشانہ بنایا جا رہا ہے ۔ حکومت ایم کیو ایم کے رہنماوں کی سیکیورٹی کو یقینی بنائے۔ ایم کیو ایم کے رہنماوں کا کہنا تھا کہ فائرنگ کے واقع کی ایف آئی آر درج کرا دی گئی۔