کراچی :مویشی منڈی میں ہیرا لال کی خوبصورتی نے لوگوں کو دیوانہ بنا لیا

کراچی کی مویشی منڈی میں یوں تو ایک سے بڑھ کر ایک جانور لائے گئے ہیں مگر شہنشاہ اور ہیرا لال کی کیا ہی بات ہے ، دونوں کی خوبصورتی نے سب کو دیوانہ بنا رکھا ہے ، خوبصورتی لاجواب ، مست مست چال ۔ کراچی کی منڈی میں آئے ہیں شہنشاہ اور ہیرا لال گلے میں ہار ، سرمئی آنکھیں ، پاؤں میں چھن چھن کرتی جھانجھر ، شہنشاہ اور ہیرا لال چلیں تو بیوپاریوں کو لگے جیسے کوئی خوبرو ماڈل ریمپ پر اتر آئی ہو ۔ کراچی کی سپر ہائی وے منڈی میں لائے گئے ہیں ایک سے بڑھ کر ایک بیل مگر ہر طرف چرچا ہے تو نٹ کھٹ ہیرا لال اور شہنشاہ کا ۔ بچوں کی تو جیسے ابھی سے عید ہوگئی ۔ کوئی سیلفی بنوا رہا ہے تو کوئی پیار کر کے خوش ہوئے جا رہا ہے ۔