سعودی حکومت کو منیٰ سانحہ کے حقائق فوری سامنے لانے چاہیں ، اپوزیشن لیڈر خورشید شاہ

اسلام آباد میں اپوزیشن لیڈر خورشید شاہ نے میڈیا سے گفتگو کرتے ہوئے کہا کہ سانحہ منیٰ جیسا واقعہ پہلی دفعہ نہیں ہوا ۔ وہاں مواصلات کا فقدان ہے ، اطلاعات کے مطابق اس دفعہ وہاں ائیرکنڈیشنڈ سسٹم بھی ٹھیک کام نہیں کر رہا تھا۔ کوئی شک نہیں کہ حج میں پروٹوکول بھی بڑا مسئلہ بنتا ہے ، پروٹوکول کی وجہ سے راستے روک دیئے جاتے ہیں جب کھولے جاتے ہیں تو لوگ جلدی میں ہوتے ہیں ۔ سعودی حکومت پر دبائو کیوں نہیں ڈالا جاتا ، یہ سوال نواز شریف سے پوچھا جائے۔ خورشید شاہ نے کہا کہ خارجہ پالیسی بلکل نہ ہونے کے برابر ہے ، وزیر خارجہ کون ہے کچھ واضح نہیں ، خطے میں پاکستان کی پوزیشن سامنے رکھتے ہوئے نئی پالیسی بنائی جائے۔ کسانوں کو حکومتی پالیسی نے تباہ کر دیا ہے ، کسانوں کے مسائل حل نہ کئے تو ان کے ساتھ سڑکوں پر ہوں گے۔